都會海逸酒店之有大食大

 

『美食盡在星期五』選擇了紅磡的都會海逸酒店(Harbour Plaza Hotel)，早前與中心同事前來品嘗過後，發現味道不錯，而且款式種類也很多，好多款式都試唔晒，所以趁星期五重臨此地，誓要大食特食。

 

6時30分準時入座，今次的座位不錯，自成一角，環境沒那麼嘈雜。坐了一會，正式展開我的大食之旅，首先去到冷盤區，美國生蠔又厚又多肉、雖然味道較淡，但口感還不錯、紐西蘭生蠔細細隻，但海水味反而較重，唯一要扣分的是蠔殼太多(開得不太好)；海螺又大隻味道清甜；凍蝦味道一流，真是我的最愛；藍青口小小的一隻，但是意想不到的好味；蟹腳太幼細了，比起todia的還幼，提不起我動手的意慾；數到冷盤，當然還有不可缺的日式响螺、八爪魚、海浙、冷豆腐、冷面等等，味道不見得驚喜。

頭盤之後，我先在廣大的自助餐區內遊走一轉，食物真是太多，要動動腦想一想該先吃什麼才好。接著我挑選了日式刺身，我點了榮螺、魷魚、三文魚腩，那三文魚腩真是不得不提，油脂豐腴，入口時…你可了解到什麼是魚香、嫩滑。

 

吃過了冷盤、刺身後，是時候品嘗熱葷，跑到戶外的BBQ區，看見了烤盤上的大蝦，大大隻…橙紅的外殼，只能嘆一句好；燒德國腸，皮脆肉甜；燒魷魚筒，覺得燒得唔係甘熟，所以只是咬了一口；充滿蜜香的牛仔骨…因為本人係超鍾意食牛仔骨，所以個人情感上真係覺得好好食。

 

食完BBQ後，繼續我响食物檔子的巡邏，行下行下…眼前出現了一道閃光，叮一聲，給我看到了片皮鴨的檔子，鴨皮脆卜卜，配上大蔥、青瓜、醬料，味道一點不比大樓家的遜色，一口氣吃了三件；是時候要清一清喉嚨，來一杯冷凍的菠羅涼粉刨冰，暑氣全消；不怕攪肚子的傻仔敏，;刨冰過後是一碗美味的芝士薯仔硯肉湯，芝士味香濃，一口一芝味；焗聖子伴南瓜蓉，聖子超硬…唔好食。

排隊取了兩件薄薄的燒牛肉，好嫩…牛味十足，食完想再食；炸天婦羅，種類很多，但漿粉太厚(立訂決心下次一定要去稻菊食天婦羅)；胡椒炒蟹，雖然蟹細細，但都好美味…可惜食物太多…肚子容量不夠，最愛的炒蟹也只能吃兩件；海皇翅…味道唔錯，內裏的假翅份量也很多；海鮮酥皮盒，酥皮香香脆脆，內裏的海鮮白汁也不錯；這裡的生滾粥也不錯，我即場點了一碗蟹黃牛肉粥，師傅真係好重手，d蟹黃真係多到你唔信，成碗粥變左橙紅色，好好味。

 

甜品…自助餐當然不能缺少了甜品，這裏的甜品一如酒店式的賣相精緻，芒果布甸、芒果千層酥、鮮果班㦸、旦白燕窩、焦糖燉旦、藍梅芝士旦糕、鮮果撻、杏汁燕窩、士多啤梨旦糕、朱古力噴泉、布甸旦糕、什果啫喱、疏乎里、8款口味的Haagen-Dezs任食…甜品真係多到你唔信，記著要食楊枝甘露…超得。