五星級大鼠(Ratatouille)

 

五星級大鼠(Ratatouille)

 

 

飲飽食醉之後，我地去冒險樂園玩左陣，真係一陣啫，不需15分鐘，我地已經响「擲彩虹」度燒左50個金幣，我地的命中率奇低，最後中得兩次細獎，有40張飛…唉!!!絶對有理由相信問題係出响豬頭人身上，都唔知佢點搞…成日掟落個邊度。

 

無收獲…唯有去買爆谷同檸茶入場，藉此忘記敗北而歸。進場發現全場爆滿，有大半觀眾都係小朋友，肯定會嘈到拆天。

 

小老鼠（味王）天生嘴刁為食，加上靈敏臭覺的天賦，誓要成為老鼠界的廚神。因一次為食導致的意外，味王與族群失散，隻身去到美食之都巴黎，誤打誤撞遇上不懂煮食又論論盡盡的廚房打雜闊條麵，二人合力打破隔膜，在美食的舞台創出奇蹟。

 

今次pixar的動畫保持一貫的水準，畫功細緻，人物生動。迪士尼的卡通，除左要生鬼有趣之外，當然唔少得要帶點人生道理給觀眾啦！！今次由人見人怕、代表左污糟的小老鼠做主角，仲要點到人類頭暈暈，仲要响「生鼠勿近」的廚房闖出名堂，故事都可算是反傳統了。透過一個簡單直接的旨『人人(包括老鼠)可以做大廚』，話比大家聽，只要抱有希望、只是向自己的目標努力、只要凡事肯嘗試，夢想不再是發夢，因為一定可以成真。

片名的英文名’Ratatouille’是一道平凡不過的法國家常小菜，古南法國風味的蔬菜，Ratatouille是法文，英文有人釋Vegetables Provencale。

故事中味王就係煮了一味Ratatouille給食家梵高琛，令他重拾小時候媽媽的溫暖，令他冰冷的心融化，重新記起食物的意義。