興記煲仔飯

 

27/1/2007

今晚同豬頭人跑到廟街食煲仔飯，一踏進廟街，已見街上擺滿了一張又一張的桌子。豬頭人帶我到了煲仔飯皇者『興記』，眼見有成5、6間鋪，心想果然厲害…點解甘遲先帶我黎呢!!

由於人太多(一定要先有心理準備…人多枱迫…環境有點污穢)，好不容易才被安排到兩個非常迫的位。依一刻知道點解豬頭人一路都唔帶我黎…對佢黎講實在係太迫太穢。

但係黎得…就要食個痛快，我地第一時間點左個窩旦免治牛肉飯、酥炸大腸、蒜炒芥蘭、避風塘炒蜆+一支大可樂。等…等左15分鐘，終於黎左碟酥炸大腸，以家人人都驚膽固醇，好難食度碟皮脆肉香既大腸lu；蒜炒芥蘭非常粗壯，但是頗多油；避風塘炒蜆肉不多…而且蜆都係豉椒炒好味d；窩旦免治牛肉飯…熱騰騰的蒸氣，香味撲鼻，一粒一粒分明的飯，配上雞旦和豉油，一向不愛吃飯的我都吃下兩大碗。

這餐廟街風味餐真不錯…有機會定會再訪。