回家的途中碰到了舊同學，他一見到我就半開玩笑的駡：「 關 小姐，好久不見喎，次次聚會都放飛機…你真係大忙人」，係喎…真係十次有九次半我都係放飛機，連忙陪笑道：「唔係…D時間夾唔啱啫」
原本諗住可趁回家的途中享受一下片刻的寧靜，但係就撞到同學…仲要係N年無見個隻，唉！！佢一路講自己近況…又講下其他同學既近況，邊個結左婚、邊個失戀、邊個失業…一大堆已淹沒了的名字，頭都給弄昏了。
但當我留意到那同學的「飛機頭」髮型後…我的咀就一直不能合上，他那”令立立”的頭髮…實在是太搞笑，起初他以為自己的說話內容引得我發笑，但後來當他講到一名女朋友剛失戀時…見我也不停地笑，他追問我：「你笑什麼…點解甘多年…你都仲係傻傻地？」
見到佢一面認真的樣子，更令我忍不到「噗」一聲的笑了出來，我告訴他是因為他放了架飛機响頭上，他聽了之後也不住笑了起來，邊笑邊駡我無聊。他再次叮囑我要參加下次的聚會，話同學們好掛住我d低b笑話喎，我諗下次真係走唔甩。
返到屋企…我攤係張床度諗，其實自己都算好幸福&幸運，一直以黎都有人鍚同照顧，响工作上付出的努力亦得到回報，而且可以响低潮既時候爬番身，可以開心歡欣甘去面對每一天，就係我的目標。
曾經有人話我「點解你成日都笑笑口」、「成日笑…都唔知笑咩，係又笑唔係又笑」、「成日E起柵牙，假到死」，我真係聽過有人甘講喎，我有因為依d說話唔開心過…但係唔開心過1秒囉，1秒之後…我就唔記得左lu。
曾經有一段時間，我的世界係灰色的…日子過得好唔開心，所有事情都好似唔如意，可以喊上一整天…世界全是眼淚，我問過自己無數次，為什麼活得那麼苦，為什麼要過這樣的日子。直到有一天，我醒過來了…我知道生命的路還有很長很長，難道在往後的日子一直這樣活…那麼在生存還有什麼意義。那一刻我下了決心，我的生命只屬於自己…我是為自己而活，我要開心甘去享受生命的分秒，我唔再在意其他人的說話…我唔需要其他人明白我為何笑，因為我是為自己的生命而笑。
0 意見:
張貼留言