有情有義傻仔敏之朋友要結婚

傻仔敏雖然無咩優點，但係有一樣野都頗為值得自豪，登.燈.鐙.櫈…就係夠義氣喇！！可能我個人係有少少精經質，不過朋友開到聲，我都一好少拓手踭，所以我都可以稱得上為「義氣女」。

 

不過我份人比較怕應酬，加上自從識左豬頭人之後，有輕微的「有異性無人性」，所以同朋友間的聯絡都減少左…約三十次可能出半次甘。不過可能因為以前不少朋友們都得過我的小幫小忙，所以就算好耐無聯絡的朋友都會經常來電相約或問候。

 

義字行頭既我，基本上幫得到就一定幫，不過有些時候朋友們的情求都令我感到十分為難。就像最近瑪姬和積奇結婚，他們都是我的舊同學，見到佢地拍左甘多年拖，久經風雨終能共諧年理，我內心都感到萬分感動和祝福。不過當他們「誠邀」我擔任姐妹一職時…真係感覺到有一滴冷汗從額頭冒出來，諗起做姐妹…真係打從心底打冷顫，回想起前兩次的「驚」歷，真係歷歷在目…那些玩新郎，根本就係玩自己；還要安排入席；招待三九唔識七的賓客…還有全天候掛在面上的四萬笑容。辛苦一日都話無所謂，但係做姐妹前的準備…起碼要兩個月，一時又要開會傾run down，一時又要試衫…總之真係好辛苦。

 

好似瑪姬同積奇今次甘，我真係出盡全力甘推辭，不過始終都屈服係同佢地的「情義」上。無法啦…惟有免為其難做多次啦！！經過無數次的商討，終於替瑪姬還有5位姐妹選好禮服，當晚5名的陪趁品(包括傻仔敏在內)化身了粉紅兵團，唉!!其實天寒地凍…件衫薄如蟬翼，點搞呀!!仲有個班麻煩兄弟…意見多多，甘多野想搞…咪留番自己結婚做晒去囉!!最搞笑係第一次齊人開會時…其中一個兄弟勁認真甘問我「你係咪啞嫁!!」發神經…唔講野就係啞嫁？！又話要我做迎賓、負責遊戲喎，都唔知有無搞錯。今次真係超捉虫啊！！！！

 

瑪姬…積奇…我好慘呀！！今次為左你地…我真係出盡全力了，作為朋友算係超唔話得，你都知我又怕熱鬧+「陌生人恐懼症」啦！！我又要唱歌喇…『情與義…值千金…』，傻仔敏就用依份情化作無限祝福，祝你們白頭到老、永結同心、永不分離…直到永遠。