11週年的晚餐--海景嘉福Café on M

11週年的晚餐選址在海景嘉福的Café on M，傻仔敏和豬頭人看來已忘記減肥計劃，或許是忘記，又或許是從未上心。

 

7時到達酒店，我們只是碰碰運氣，因為早了一個星期訂位，已說FULL了，死心不息試試WALK-IN，想不到居然有位，在沒期望下得到的，更見興奮。

 

傻仔敏愛BUFFET，因為可以有無限選擇，甫坐下…傻仔敏便出動，第一個目標是即開生蠔，第一ROUND先來半打。生蠔SIZE雖然細細，但鮮味十足，令人半打接半打再半打。

 

冷盤方面還有長腳蟹和凍虾，長腳蟹肉質夠嫩夠鮮甜，不錯!!但凍虾就無味，食左兩隻就算。

 

傻仔敏當然唔會錯過巴馬火腿，還配上哈蜜瓜。芝士有約十款，傻仔敏款款試下，其中的羊奶芝士最為好味，傻仔敏和豬頭人兩個爭住食。

 

刺生、壽司款式唔多，不過刺生還算新鮮。熱葷方面，傻仔敏首推鐵板燒，牛仔骨、牛肉串、雞肉串等都是好選擇。

 

不得不提即點即煮的意大利粉，醬汁香濃惹味，意粉的軟硬度剛剛好，我們分別來了一碟白汁虾意粉，一碟肉醬扁意粉。

 

Buffet最後的一個環節是甜品，細細件…可以試多幾款，傻仔敏的主力是haagen dazs，豬頭人取下雪糕和即焗的心太軟，兩者合二為一，真是滋味享受。

 

近兩個多小時的力戰，抱著大肚腩滿充的離開~