一家暢遊流浮山 @ 新淘園海鮮酒家

父母親大人想到流浮山逛逛，適逢母親節，所以傻仔敏便選了到流浮山的新淘園海鮮酒家晚膳。

 

選了近黃昏時候到達，所以在小巷內走動也不會覺得熱，巷裏擺放了不少乾貨，充滿了咸香，一家人走到岸邊拍些照留念，記錄成相片化成珍貴的回憶。

 

6.30PM到了新淘園海鮮酒家，人流不算多，傻仔敏和豬頭人拍板選了新鮮的海產，坐定定等食。

 

上菜時間慢得驚人，6道菜用了兩個半小時的時間，鄰桌的家庭都分別發火~~

 

(1)  
椒鹽瀨尿虾 : 肉質鮮甜，炒得夠乾身，味道剛好，大隻多肉，讚!

(2)  
薑蔥煀蠔 : 蠔肉還算大隻，但不夠入味，蔥段反成了主角。

(3)  
蒜蓉蒸象拔蚌 : 肉厚爽甜，又夠大隻，配上蒜蓉一流~

(4)  
蒜蓉粉絲蒸扇貝 : 夠甜夠滑，火路剛好，只是殼大肉細。

(5)  
豉椒炒蟶子 : 好大隻~無沙，夠甜，但豉椒太濃味，搶了本身的鮮甜。

(6)  
炒生菜 : 雖然唔知收幾錢，但算大碟。

(7)  
甜品及生果 : 每圍敬贈，橙鮮甜，馬豆糕無咩料，而大菜過多~

 

埋單$1410/5人，價錢尚算合理，食物質素OK，惟等上菜真是要非常有耐性。

 

 

 

今天的另一收獲是大大隻的肥美金蠔，用來炮製蜜汁煎金蠔之選。