再見喇...海鮮...我好唔捨得你地呀

 

我真係好鍾意食野，平時好鍾意、心情唔好更鍾意，我自問真係一個又為食而且都幾大食既人，「食得是福」依句說話真係一

d都無錯。閒時我最鍾意睇飲食雜誌，睇下有咩好野食，去旅行就更加唔洗講，梗係要大食特食，尤其見到那些肥美的海鮮…真係諗起都口水流。

最近有一個惡號，美國和加拿大研究員發表報告指，因為過度捕魚及海洋污染，到了2048年，全球再無海鮮可吃。報告指，若過度捕魚及海洋污染持續，將會進一步威脅海洋生物品種、生態系統及人類的食物供應。

這項花了4年完成的研究，是首個就所有現有海洋物種、生態系統資料進行分析的研究，發現從海洋生態系統中消失的物種正在增加。若情況持續，所有魚類和海鮮品種料最遲會於2048年消失。

 

 

傻小魚R一下頭問：「各位…我真係諗極都諗唔明點解我地要絶種。」

勞氣龍蝦道：「咪係囉！我地係海裏面游黎游去，維持應有的生態平衡，點解會甘。」

師奶魚話：「下…老公甘點算呀！你係九代單傳，難得我有左BB…以家有話我地要絶種…甘我地點對得住死鬼老爺奶奶…嗚嗚…」老公魚從旁安慰：「老婆，唔好甘担心啦！好似話要到2048年先係…可能仲有轉機呢！」

智者海龜道：「要有轉機除非人類肯為我地肯為我地設想下啦！」

天真小蝦答：「我地比D信心啦！人類不嬲都鍾意我地…又肯比好多錢食我地…佢地點會捨得比海鮮絶種喎。」

老魷魚話：「甘又係…我諗佢地唔想有一日只見到我地既標本…或者淨係响迪士尼D卡通度見到我地跳舞啩！」