5/5/2007
今天相約了豬頭人、詩、kit、ricky、堅 & 炭頭去打羽毛球。我同豬頭人7時到達荔枝角PCCW職員運動場，依度環境都算唔錯，樣樣齊全。
由於佢地個個都遲到，所以我地換好衫之後就去Canteen邊食野邊等。我選了一碗餐肉米粉 + 凍檸茶；豬頭人就要餐腸面 +凍檸茶，一個餐都係$20-，仲要有成5件餐肉…真係抵食夾大件。
7點半，詩、kit、ricky終於到達，我地的活動可以開始了。我真係好耐都無打過羽毛球了，拿起球拍…好似已經唔記得左點用了。豬頭人以前打羽毛球好叻，不過佢話以家得番3成『功力』，仲係甘笑我水皮…真係激死我！！
Kit同ricky兩個好似比賽選手甘，帶齊私家拍落場…不過佢場塊拍真係好得，又輕又好打，搞到我都心郁郁想買塊。
炭頭同亞詩兩個都唔知係打波定「搞事」，一路打一路嘈，成個場都係佢地把聲，一路打路玩「超級無敵馬拉松」。打下打下…差唔多到9點，亞堅終於黎到lu，但係我地都已經打到得番半條人命甘，打左唔夠半個鐘…亞堅都開始頂唔順，哈哈…大伙兒鳴金收兵，換衫去食飯lu。
後記：
6/5/2007
經過昨天的運動，今天四肢好像不再屬於我，手臂、腰、腳全部痛到唔係好郁得。我攤係床上…真係好唔想離開依度，不過之前應承左豬頭人會早d出公司，所以唯有硬住頭皮…
我依一刻真係明白到咩叫做「舉步維艱」，連得路都痛…但係我要忍，我為等陣要去買wii…我一定要忍。
今天wii已經係我懷抱之內…我急不及待試玩，但係由於我的體力仍未恢復，所以玩左唔夠半個鐘就頂唔順。
依一個月我將會閉關練wii，各方好友…今個月我地要暫時分開一下了。
0 意見:
張貼留言