加勒比海盜：魔盜王終極之戰 (Pirates of the Caribbean: At World's End)

不經不覺…魔盜王已經黎到第3集，未開畫已經全城期待，個個都去撲飛，一時之間成為潮爆話題…氣勢同溏心風暴有得fight。

全城期待的重頭戲喎，我梗係要先睹為快啦！！星期日…亞水預先响時代UA訂定好位，我地一行6人懷住愉快的心情入場。我一邊享用美味的爆谷一邊期待接著下來兩小時的海盜之旅。

一開始…就見到周潤發出場，嘯風一句「Welcome to Singapore！」揭開了今集的序幕。一開場的亂戰都好似有睇頭，但係跟住的半小時…來來去去都係一d污糟的海盜响度行黎行去。

成套戲依度講d、個一度講d，真係睇到人越黎越。一大班人…好似都唔知自己做咩甘，Johnny Depp一向的味道不見了，今集的他…就是分裂； Orlando Bloom成了一個鞋口鞋面的美男配角；Keira Knightley算是最幸運的一人，起碼個角色都算連貫一點，加上有場見到死鬼老豆，都算有d內心戲做下1；Bill Nighy都算成功個位…因為佢令到我地食日本菜時唔敢食魷魚囉！周潤發的嘯風船長…就係死左都唔知為咩？！老實講…全片最精彩的角色，就係馬騮『積仔』，全靠佢撐住部戲。

經過差不多3小時的時間，我得出的就是…依套係無咩特技、無咩故事…靠食老本的第3集。最後見到講『不老之泉』…真係希望唔好再有第4集。