有驚無喜

25/10/2007

 

最近中心在人事上出現了很多變動，一下子要適應…真的不容易，我的心情或多或少都有點影响。

 

放工後，想先逛一下…希望可調整一下心情，於是和鄭姑娘到旺角添置中心小賣部的物資，隨便向她吐一吐苦水。買好晒野之後，都已經7點半，忽然想做一下體貼女朋友，於是同鄭姑娘道別後，我便跑到沙嗲皇買左「白咖哩豬巴飯」比豬頭人，諗住比d驚喜佢…所以我無預先話比佢知…就直接上公司喇！！

 

一路行…一路諗住一陣佢實會好開心啦，一諗到依點，我就不自覺加快左腳步，因為我要為佢送上新鮮熱騰騰的飯盒。一去到公司…我就標左入去，點知已經熄晒燈…空無一人，依一刻…失落的感覺全身漫延，打電話比豬頭人…點知原來佢出左去同朋友食飯，那個飯盒最後轉送wendy。

 

最後驚喜不成…想表達心意不成…帶著落寞的心情離開，本來諗住浪漫一下，想不到最後變成運桔，傻仔敏過了驚喜中的驚喜的一夜。