兄弟 (Brothers)

                           

「兄弟」，男士們都愛稱兄道弟，什麼兄弟如手足，女人如衣服，為左兄弟可以兩肋插力，義無反顧。對於男人間的友情，我真得不什了解，或者女人永遠都無法體會當中的感情。

 

這年頭興起集體回憶，當年的五虎將也跑出來湊熱鬧，雖然少了梁朝偉，但最近三哥(苗僑偉)人氣極盛，都可勉強填補這美中不足。四虎難得聚首，本來以為有好戲睇，誰不知全片劇情薄弱，反駁位甚多，實在有點浪費各演員。

 

觀從片名，就知此片打正旗號sell兄弟情，可惜睇到的是江湖仇殺，而且內容多是有頭無尾。

劉德華的警察角式，我只能講一句…唔知想點，我想是因為現實中他實在太為兄弟，他把觀眾的視線都讓給三虎，令自己吃力不討好。

苗僑偉的角色更令人迷茫，片末的死…不單帶不出兄弟情，還來得有點惹笑，要認罪…去差館咪得囉，搞甘多野做咩，係佢令細佬搞成甘…又咩要佢變返白紙，真係睇到R晒頭，而且一見到他的動作表情，只聯想他的『歲月風雲』。

陳奕迅其實幾適合演戲，佢真係做得幾自然，佢那茫然失措的表情實在太配合角色，其實佢在戲裏面都幾慘…無程程踩左落水。

黃日華個造型真係笑爆咀，帶住對黑超扮型，還有那件黑大褸，真係攞命…還有他開口埋口的那句：「我係食譚家飯大既」，真係老套到暈。

湯鎮業…一見到佢就諗…佢唔係做左be a man的纖體代言人咩？！做咩好似仲脹左！數到片中最入型入格的實在非他莫屬，江湖片的反派角色實在適合他。

在劉德華有份投資的電影中，經常都會有林家棟的踪影，今次他是劉德華身邊的沙展，角色似爭有點狂躁，或者是特出他和劉華的一個用腦一個用力吧。

黃奕是全片的唯一一個女角，片中作為一名律師的她居然多次為左個男人知法犯法，仲要陪人坐大飛著草…實在有點不合情理，唔係一句「因為佢(苗僑偉)唔會同其他女人訓」就叫佢做咩都肯掛！

 

經過個幾鐘頭的時間，步出戲院…得到的是令人莫不著頭的內容，故事尤其空洞，我和豬頭人同一時間的反應是「笑」，到底套戲做咩…關兄弟咩事？！