星期日的晚上，本來諗住同豬頭人去尖沙咀的譚魚頭打邊爐，8點鐘去到，點知一開門，已見人頭湧湧，待 應 小姐未等我地開口已話「最快要等一個鐘」，傻仔敏的格言係「等不得」，所以梗係打退堂鼓。
甘食咩好…响尖沙咀街頭邊行邊諗，諗住去食和花亭，不過依間人氣人龍店，排兩個鐘都唔知有冇位，行下行下，抬頭一望，見到「太平館餐廳」(尖沙咀加連威老道40號)，早前見到網上介紹這裏的瑞士雞翼，好…甘有緣，就响度食啦！！
入到餐廳，全場已滿，要等2張枱…等左20分鐘，經理問樓梯附近介唔介意，食飯啫…無所謂啦，一坐低，侍應遞上熱茶及菜單，豬頭人只顧看餐廳的歷史，所以今天點菜的重任就落在我身上。
唔洗5分鐘，我已諗好點咩！！我共點了兩個套餐，分別是瑞士雞翼意粉餐($143)及蟹蓋餐($158)。
依度d侍應叔叔似乎非常熟練，不一會已送上餐包，餐包旁付著一盒充滿懷舊色彩的牛油，為免吃得太飽，所以我只吃了半個。
接著到餐湯，豬頭人點的是牛尾湯，湯內用料十足，充滿了濃濃的肉香，很好味！！傻仔敏的那碗是海皇湯，湯內有大蝦、蜆肉、魚肉，味道有點像龍虾湯，個人還是較喜歡牛尾湯。
蟹蓋餐的頭盤是焗釀蟹蓋，蟹蓋的面層焗得香脆，份量足夠我和豬頭人一起品嚐，豬頭人邊吃邊說像吃雞肶一樣。
黑松露菌汁牛仔肉意粉，很重菇香，但那汁略稠身。
這裏的皇牌「瑞士雞翼意粉」，一碟有5隻雞翼，每隻都肉嫩非常，甜甜的汁料增加了食慾，我把意粉伴進汁料內，意粉旋即變成黑漆漆，雖然很好吃…但一不小心很易會弄髒衣服啊！！
一頓豐富的晚餐，由一杯餐茶及甜品作為句號，豬頭人的熱奶茶十分香濃，奶味及茶味並重，至於我的檸檬茶也不錯，一點苦澀味也沒有。甜品方面是一件四四方方的橙味旦糕，味道與積及橙餅如出一轍。
有興趣到此一遊的朋友，可參閱以下網址：
http://www.taipingkoon.com/chis.html
0 意見:
張貼留言