20/11/2008
傻仔敏稱今晚的飯局為『亞主的幸福盛宴』，我們一行十二人選址在香港海逸酒店(Harbour Plaza)食自助餐，出席者有亞主、副主、占美、小Ling、亞Li、窿Sir、大蛇、老鄭、麥丸、中中、傻仔敏，仲有後尾搭枱的黑仔杰。
未夠六點半，我們便到達酒店，由於時間未到，所以唔可以入場住，碰巧有新人結婚，便走去睇下新娘靚唔靚…最後…答案係連占美都無興趣。行行企企…終於入得場，奇怪在早我地成20分鐘出發的「運桔四人組(亞Li、大蛇、老鄭、麥丸)」仲未到，原來佢地廿蚊的士都唔坐，走去搭小巴，仲要落錯車…結果行左差不多半個鐘，真係笑爆咀。
笑完一輪，係時候開餐喇，第一碟先來壽司，款式雖然不多…但味道不錯。
接著是冷盤，生蠔(瘦瘦的，咸咸的…貨式一般)、凍蟹腳(又是瘦瘦的，而且無蟹的甜味)、凍瀨尿虾(內有虾膏，肉質都很甜)、海螺(味道鮮甜，肉質彈牙)。
大閘蟹雖然細細隻，但係內藏很多橙黃色的蟹膏，蟹膏很creamy很香甜。配上濃濃的薑茶更是吸引。(由於約左豬頭人一齊去食大閘蟹，所以我淺嚐一隻便作罷)
重點推介甜品方面，多款甜品和雪糕都十分吸引，平時出面賣幾十蚊的炒雪糕更時必食項目。
0 意見:
張貼留言