上次在Park Lane Hotel --- RIVA嘗了豐富的晚餐後，一直想試試Park Lane 的Buffet ，但每次都夾不到時間，趁著星期六的空閒晚上，終於有機會到此一試。
我們訂了晚上7時的坐位，但急於「先吃為快」的我們，6時45分便已到達，誰不知已見人頭湧湧，而且個個都已攞到成枱野食。甫坐下…豬頭人便先來一杯「提子乳酪玉露」，至於我當然係先去「巡場」，睇下有咩好野食啦！
行左一個圈…依度比起想像中要細，大致分為四個部份：冷盤區、熱葷區、甜品區及沙律區，這一刻真係有點失望，因為食物看來沒什麼睇頭，而且還連我喜愛的生蠔也沒有。
選定了冷凍海鮮作頭盤，有長蟹腳、凍虾、青口、凍紅蟹，當中以凍虾、蟹最為美味，長蟹腳最略為瘦弱了一點，而且不夠鮮味。
在網上看到這兒的回本必食項目是凍龍虾，只見盤子空空如也，看來要運氣加上手快才能一嚐。傻仔敏雖則平時傻下傻下甘，但一講到食這方面時，即時變得眼明手快，很快便搶下2隻龍虾，啖啖肉的…雖則稱不上驚喜，但味道還算不錯。看到坐在對正凍盤bar枱的那枱食客，枱上放了十多隻龍虾，令我徹底明白何謂「近水樓台先得月」。
食完隻龍虾後，整幾件壽師同刺身食，但係款式不多而且質素普普通通，所以食左少少就算。轉移視線去食熱葷，行左一個圈，揀左數款…每樣要左一、兩件試試；豬頭人仲搞笑，居然攞左一碟牛肉燒買，仲要邊食邊嗌好味添。
之後豬頭人便轉戰食甜品，一口氣吃了兩杯Haagen-dazs，在加上窩夫，吃得津津有味；至於我就再來兩隻龍虾，豬頭人都忍不住驚嘆我的食力。
總結今天的自助晚餐，在款式和食物種類上確是有點失色，欠缺了自助餐應給人花多眼亂的感覺，不過這裏的食物質素仍是值得推介，因為各種食物的質素都十分平均，不致有驚喜…同時又不會有太大的失望。
0 意見:
張貼留言