傻仔敏的理智 vs COCOON的魔力

 

在blog上很多blog友都話只要一上COCOON，一定會被放血，所以傻仔敏早早諗好唔會踏足，誰不知豬頭人卻說唔租都睇下…所以一心諗住到此一遊。

 

 

上到去，店員便熱情款待，WG同EG都各有4本相簿，真係讓人花多眼亂。最後在共同商議下，選了WG、EG各一件。

 

WG是mermaid款，一著出來…連豬頭人都話好睇，佢平時基本上係唔會讚我，所以佢話好…起碼都唔會太差。連傻仔敏自己都估唔到著到mermaid款…仲要幾FIT，所以都用手機偷映了張相。

 

另外件EG响雜誌都見過好多次，好有層次…同時都好FIT，難度這就是COCOON的魔力。

 

依依不捨的換下靚衫，重回現實，看看PACKAGE的價錢不算貴，但傻仔敏選中的全是UPGRADE款，一件都要另加$3000，加加埋埋就變成高等價錢。這時要理智點…

 

正當傻仔敏左想右想之際，豬頭人突然說「這兒的潮褂好出名?!」我說「是吧…很多人會預早成早BOOK…」他說「不如試下啦…」我說「無諗住著褂喎」他說「得一次機會咋喎」我說「甘試下囉」…

 

就這樣…一試，真係好睇喎(可能我鐘意花花啦)，但係…太貴，心想都係算吧，還諗住拉豬頭人下水減低自己的慾望「我一個著唔好啦，除非你又著馬褂」，點知…佢居然OK喎!!

 

而且仲比錢租埋件WG比我，仲話不如租埋件EG，但係真係太貴，所以傻仔敏只係租左潮褂同WG先，最後敗戰而回。

 

這天感受到COCOON的魔力，同時還有豬頭人的熱情，沒有他的首肯，就算COCOON再強都無用，多謝…豬頭人~