車仔面 @ 車品品

傻仔敏心血來潮想食車仔面，豬頭人話毫無頭緒…只好靠自己，即刻上去OPENRICE睇下有無推介，以「車仔面」作搜尋目標。

 

近近地找到的有位於大角咀的「車品品」，豬頭人一聽見大角咀就耍手擰頭，又話坐得唔舒服，又話泊唔到車，但…傻仔敏的決心出名堅定，所以最後還是向大角咀進發。

 

去到…果然如豬頭人所料，成條街泊滿車，而車品品店外亦站滿了人，傻仔敏不到黃河心不死，最後外賣到照殺，最多揸行油返去~~







失望…無論是雞翼尖、豬腸還是牛腩，全部都是偏甜的鹵水味，一式一樣的味道，只吃到甜…豬紅無味，連少少鹽味都無，白烚似的。湯底又是一片甜…奇怪~

蘿白甜而無渣，甘多款餸裏面最好吃的~

碗仔翅 : 十分足料，味道也不錯，只是有點稠~~豬頭人的結論是，廿蚊碗，料多只是合理~~

子薑皮旦價錢泊住鏞記，物有所值~


整體而言，質素一般，$115，有點不值，唯一驚喜係隻皮旦。