知足常樂

人類係屬於貪心又多心的動物，天性就係想一得二。記得以前讀經濟第一樣學既就係「Opportunity Cost(機會成本)」，點解會有機會成本，因為「人類的慾望是無窮無盡的」。

大部份人都不會滿足於現狀，我們會不斷尋找…期望找最好的一天。但到底那是「最好」，或者到離世的一天都未必會知道。除非人們可學會知足，否則不會有停下的一天。

尋晚第1次睇【一擲千金 - DEAL OR NO DEAL】，看著今集的幸運兒，由開始的信心十足，到最後的淚流滿面，心中想著…「如果佢唔係甘貪心，咪唔會一無所有囉！」但係當局者迷…當然係人都想有幾多攞幾多嫁啦！今次的課令到我反思，開始明白知足確是幸福的來源。

係感情關係中，人的慾望更高更強，男女各自在尋覓「超完美」，但係市場上筍盤不多，出現求過於供的情況，點解會甘…就係因為『唔知足』。兩個人走在一起有不同程度的原因，淺層次(起初)的原因是因為人很脆弱，我們都害怕寂寞孤單，需要依賴，所以一起。但當走在一起，我們就會不自覺的「要求」起來，『點解人地男朋友/女朋友/老公/老婆會好甘多??』成為了每日必問自己的自問自答問題。

對我來說，當我身子熱騰騰的時候，對方會把手擱在我我額頭上…摸摸是否發燒；記得我身上那裡破損了，細意的問問…這就已經足夠了。我相信知足常樂。