火鍋傻仔敏

 

我一向都鍾意打邊爐…一到冬天就簡直係火鍋的世界，而我亦化身為「火鍋傻仔敏」。

晚媽媽同豬頭人兩個跑到銅鑼灣，一心諗住去「火鍋本色」食火鍋，一早都知到依到人多枱少(全店共16桌)，所以都醒目預先BOOK左枱。大約11點到達，但係已經有2對人响到等緊，甘咪唯有一路等…一路諗定食D咩囉！！望住菜單上各式各樣的海鮮，肚子不停發出咕嚕咕嚕的响聲，豬頭人仲話餓到有暈添！足足等在成半個鐘，我地同個肚都等唔到LU…依個時候我地決定走。

走去邊…去左去一條街有成3間店的「金海閣」，一坐低第一時間叫左個菊花茶同清湯湯底，湯底內有冬瓜、番茄、紅蘿白，清清地都唔錯。肥牛 – 牛味都算幾夠，但份量偏少，要叫兩碟先夠；象拔蚌 – 嘩！！真係鮮甜到不得了…一字記之曰「正」，宜家諗起到流口水；貴花蚌 – 清甜，抵食夾大件，比之前食的都平…唔會到喉唔到肺；鮮牛柏葉 – 不經人工漂白，但略「鞋口」；西洋菜 – 比小肥羊大碟一倍，好香菜味。

食飽飽後…經過火煱本色，握著豬頭人的手fing下fing下說「下次我一定要黎依道…好唔好！！」豬頭人顯然係無我甘好氣，因為佢並唔係火鍋豬頭人，佢心裏面應該係諗緊東海d大閘蟹多d。