Honey -- 一頭都係...Honey

之前聽人講話蜂皇漿好有營養，所以我最近開始服用，差不多食左一個星期，個人好似精神左少少

…但係皮膚方面好似仲未見效，由去完布吉到以家都仲未白得番…對上次去浮羅交怡返黎一個月度已經白番lu…

所以咪諗住打孖一齊黎囉！！即係食蜂皇漿 + 用花粉蜜糖黎敷面囉 。

依個方法我都連續做左幾日，點知尋日就出事喇！！一返到屋企咪去沖涼做mask，做mask之前咪用蜜糖黎敷下面先囉。點知傻仔敏又發傻勁，「一時」唔小心甘將d蜜糖黏在落頭髮度(留海)，攞清水洗又洗唔乾淨，「夜媽媽」無理由成頭洗啫(心諗有排至乾啦)…我咪運用我d「小智慧」-- 剪少少囉…一剪就唔見再一(忽)，心裏暗叫：「死啦！！一岩一忽…」甘咪再剪…諗住剪齊d囉，最後就剪左2吋…在鏡子望住自己個頭傻笑10分鐘，跟住第一時間去搵小夾子裝飾個頭，睇黎今次都要小夾子隨頭…無一頭半個月都唔洗旨意長得番。