中心春茗

中心春茗假黃大仙福苑酒延開4席，同事們一早就約好晒…決戰四方城。我就同文秀、 馬 女士、陳國明一枱，一開始就比我食鋪自模4番，位位$36，最後比我贏左百幾蚊，叻番次比豬頭人睇…等佢唔好成日話我渣。亞爺、翁sir、嫻姐玩13張，玩到一邊食一邊賭，翁sir事後鬼殺甘嘈話遇「老千」，比人千晒d錢，亞爺好在執番身彩，最後打過和。

等下等下…成9點先入席，大家一見到碟乳豬就發晒青光，拿拿臨食番兩件先。食到一半，細黃已經兩杯到肚，面都紅晒，仲開始撩人飲酒，我就一路食一路隔岸觀火…

席上仲有現金抽獎環節，可惜六位幸運兒當中並無我份，不過今晚總算盡興而歸。