無程程壞車的星期一

今早一上到車就閉目養神，一邊聽住歌，心情尚算不錯。架車行下行下…忽然之間向前一dup，跟住車尾開始冒煙，仲傳出陣陣燒焦的氣味，乘客們紛紛跑落車，好似驚走唔切甘，個D男人就最無風度，一支箭就標落車…都唔識讓下婦孺。反而有個小朋友(睇樣似小學五、六年級)就好有禮貌，淡淡定…慢慢行落車。

由於肇事位置响上獅子山天穚上，成車人都進退不得，企响馬路邊都唔知點好，好不容易等到下一班車，又唔夠其他人爭…只好呆呆地繼續等下一班。等下等下望番車尾…見到架車漏到一地油…心諗…唔知會唔會爆炸，都唔知點解會甘黑仔…星期一就搞單甘既野…不幸地仲要遲到，唉…要跳番隻沖喜舞先得。