消滅曱甴的方法 -- 由傻仔敏提供

 

 

豬頭人人生中有兩個令佢聞風喪膽的敵人，一個係麻煩人1號 -- 傻仔敏；第二個係「生存能力極强」地球上每個角落都會出現牠的踪影 -- 蟑螂(小強、曱甴)。無錯…响豬頭人的世界，傻仔敏同蟑螂(小強、曱甴)是屬同類，兩者同樣係麻煩又鬥唔過。

 

豬頭人見到曱甴時採取的方法是「走為上策」，就算面前放左一百萬…只要係有曱甴，佢寧願唔要錢。有見及此，我尋找了一些對付曱甴的方法，希望會啱佢用。

 

1.『酒瓶活捉蟑螂法』
利用空酒瓶留一點剩酒當誘餌，放一些砂糖進去，將瓶口斜靠在牆壁上，曱甴貪吃，就會掉進瓶子裡，只要一晚就可以抓到滿滿一瓶曱甴。

 

(傻仔敏：捉滿一瓶曱甴後…點處置，唔覺意打爛個樽咪大劑！而且我懷疑依個方法會引來更多曱甴)

 

2.『自然植物趨蟑法』
根據環保局提供資料顯示，小黃瓜皮、月桂樹或菊花瓣加酒精的混合物，每星期在曱甴出沒的地方灑一遍，可以消滅剛孵化的小蟑螂。

 

(傻仔敏：此方法太勞民，不適合豬頭人)

3.『肥皂絲加熱水』
一杯肥皂絲加入4公升 的熱水中，溶解後直接噴灑曱甴身上，也可有效殺滅曱甴。

(傻仔敏：肥皂絲，甘咪先要攞D番肥去磨…攞咩器具磨呢？曱甴又識飛又走得快…好難噴喎！！而且仲要近距離，似乎等於叫D怕曱甴的人跳火圈一樣。)


4.『閉巢穴法』
曱甴生存能力極强，全部要殺死幾乎不可能。試試用玻璃膠封住巢的入口

(傻仔敏：要搵曱甴個巢…同搵寶藏無分別喎，難度實在太高。)

 

經過我再三研究後，發現原來要幫豬頭人對付曱甴是一件很難的事情，睇黎我係無辦法成為豬頭人生命中的「唯一」死穴…只能繼續與曱甴齊名。