又平又好味的吉野家

經過我的統計，在我日常的支出當中，花費最多的項目就是「食」，有些時候真的是吃得太瘋狂。最近，下了決心要儲錢，計來計去…只有在食方面減少支出才能達成我的短期目標。

 

為了達成目標，近日我主力尋找一些「平、靚、正」的美食，今次我和豬頭人就黎到旺角的吉野家，依家吉野家都算係我見過最少人的一間，唔需要等位的情況下，我們經已可以有一舒適的座位。

 

天氣涼涼的，所以二話不說點了一個清湯牛肉火鍋($42)；牛肉飯餐($33)，清湯牛肉火鍋包含了一盒牛肉，鍋內有蔬菜、豆腐、日式旦片、烏東、福袋、冬菇、紅蘿白片，還配上一碗白飯，真係非常豐富，蔬菜、豆腐又甜又滑；牛肉都有好多片，味道也不錯，絶無因價就貨之感；全鍋的精髓非烏東莫屬，味道、口感比起一些打正旗號買烏東的還要好吃。牛肉飯餐的飯又大碗又好味，飯面鋪滿了牛肉，鮮甜的肉汁滲透全飯…真係抵食夾大件之作。

 

兩個人食得飽飽都係$75-，又平又好味更覺滋味，依一餐真係實在太令人滿足喇！！