麻布茶坊的美味思念

 

上次因為等唔到位，最後只能在睇戲後吃個甜品，由那天開始，心裏面一直對麻布茶坊有一種無形的思念，似乎我都係要食番一餐才可以了卻這件(無聊)心事。

 

 

星期五的晚飯，第一時間向豬頭人「要求」，豬頭人當然唔會拓手肘。我用高速審視一次餐牌，餐牌製作得十分精美，令到所有食物都很吸引，真係要傷下腦筋先可以決定食咩好！！

 

 

 

豬頭人點左鮮茄牛柳咖哩旦包飯套餐，我就點左芝士漢堡牛套餐，等左約20分鐘，其間見到對面枱兩女一男响到互交禮物，加埋他們的爆笑對白，都可以當作餐前的娛樂。

 

 

 

豬頭人那份旦包飯熱騰騰的呈上，賣相極為吸引，我把他的那配香菇清湯據為己有，清香的湯內帶有微微的胡椒味，Yummy~估不到蕃茄和咖哩味可以如此配合，甜酸的茄汁令人胃口大增。

 

 

 

芝士漢堡牛 – 又圓又厚的牛肉上鋪了一層熱溶了的芝士，一啖放入口…忍唔住笑添(我以家都係一路打字一路笑緊)，真係好味！！套餐內的清湯和豬頭人的那個相同…為免落入他的肚中，我咕咕咕三聲飲埋~不過我都唔係獨食的人，所以我把餐中的兩件三文魚燒飯團分了一件給他。

 

 

 

食完好味的正餐，輪到甜品上場，由於肚子太full，所以點了一款共享，經商討後，我們點了季節限定『北海道熱球雪糕』，不過這種冰火不是太配合，因為那旦糕比較油，令到雪糕又油又融，這甜品令到今天的晚餐有點失色。