傻仔敏試食記之i scream

好耐都無去過IFC，入場睇戲前先到處走走，本來諗住搵個地方坐低飲杯野，但係時間又唔係好夠，加上比眼前一間非常亮麗的雪糕店吸引，所以最後都係揀食雪糕。

 

這間雪糕店叫『i scream』，名字取得不錯吧，一方面可以表達ice-cream又可以形容好味到尖叫，唔知命名者係咪甘諗呢？這裏買的是Gelato(即意大利雪糕)，Gelato則不含忌廉，而且少了百分之二十鮮奶成分，响唔會肥的情況下更覺美味(又係傻仔敏自我催眠的時候)。

 

這店子有一出品名叫「Winter Gelato」，口感軟像忌廉，沒了雪糕應有那份冰凍的感覺。在眼花撩亂的情況下，我花了約20秒去考慮，最後點選了『炒雪糕』， 店員把Vanilla Gelato在冰凍的鐵板上搓來搓去，加入左我自選的粟米片及nuts，完成後再在雪糕面淋上一層厚厚的白朱古力醬，在急速冷凍的情況下，朱古力醬結成脆片，一口雪糕內都包含了多樣口味，$38一杯都算合理！！