MPEG員工同樂日

30/12/2007

 

今天是MPEG的員工同樂日，活動選址在屯門的小欖燒烤場舉行，今次活動得到各同事們的鼎力支持和參與，實在是十分難得。

 

大伙兒一早便到達燒烤場，除了每名參加者預備的禮物外，還有老闆們送出的4份大禮作抽獎。在寒冬下BBQ真是一個不錯的選擇，這兒只需$88便可任燒一整天，真係平、靚、正。

由於今天沒吃早餐，所以一坐低便瘋狂的吃著，經過我的試味後，全場至好吃的便是黑椒牛仔骨，細細件超好味。一輪狂風掃落葉式的填肚行動後，我便走進「四方城」殺敵，經過半小時的戰鬥後，我攞住贏到的「5元」離開戰場。得把口的豬頭人在鄰桌輸緊錢…平時又話自己係賭神，唉！！

今天的重頭戲『抽獎』正式開始，豬頭人打頭陣抽出第一份獎品，他抽到的是筷子連义的餐具，他望著那兩支筷子時的表情真是怪有趣；Ivan抽中一個發聲鴨仔錢缶，唔儲錢的他真是得物無所用；亞慊送出的「搞鬼電話繩」就由Antony女朋友抽得，望主個碌黑漆漆的電話繩，真係有點無奈；當Alvin抽左豬頭人送出的廁紙筒時，場面真係搞笑，全場起哄…質疑它的價值是否合乎資格；輪到傻仔敏抽獎，我的禮物是一箋小魔怪燈，不過它的亮度只夠照到2cm的範圍吧；亞盈抽到一個按摩捧；Leo共抽中4GB記憶體；Mandy抽中冷帽；Yuki抽中淋浴露；Zoe抽中大獎。

經過一輪抽獎後，大家都嗌到無晒氣，肚又開始餓，再次動手燒野食，豬頭人繼續打麻雀，最後都係敗北而回。到晚上9時，今天的同樂日就結束了。