下午3時，我們到了人多車多的新宿，商店大廈林立的新宿，可充分反映東京的繁華面。地方太多太大，我們都唔知點入手好，見到大型藥房，我又忍唔住入去掃護膚品。
行行下，比眼前的生果店「百果園」所吸引，一堆又紅又綠的生果…實在係太吸引，我們買了一串菠蘿($100 YEN)、蜜瓜串($150 YEN)、哈蜜瓜串($150 YEN)，見到大大串的新鮮生果，真係太開心，可以留番今晚返酒店慢慢嘆.
接著我們便到了商場選購Angus B，豬頭人買左個公事包，個款都好靚，我諗佢著西裝時拎住會好型。另外他還買了一個咭片套，响到買真係好抵，平香港一半有多，豬頭人唔係淨係掛住買野比自己，佢都買左一個白色配綠色的小包包給我。
下一站我們去到Porter的專賣店，第一時間幫jimmy買左個袋，跟住就到揀自己個d，見到一款名為「Haloha Porter」系列的袋($14000 YEN)，袋上的掛飾很可愛，我的佔有慾再次湧現，忍唔住手又買左。
買下買下…又買左兩大袋野，本來想去買支日本出的美容捧，但係行左好耐都搵唔到，最後唯有放棄。行到腳又軟又肚餓，豬頭人為償我食迴轉壽司的「小心願」，所以就減少行街的時間，帶我去左一間地道的迴轉壽司店，相對起香港的迴轉壽司店，這兒的款式明顯沒那些花巧。
不過在用料上真係好新鮮，海胆壽司($300 YEN/ 2件)都係好味無野好講，那種鮮甜味，令人無法忘懷，依一刻真係覺得自己好幸福。海胆之外，我的第二最愛係玻璃虾，肉質爽甜，絶對可以滿足我的口腹。
今天的壽司下午茶花費只需$1020 YEN，絶對物超所值，填飽個肚…我們再戰商場，本來我諗住買鞋，但係價錢太貴，一對十分普通的款式都要成5、6百元港紙，所以最終都無收獲，反而豬頭人就買左件衛衣。
0 意見:
張貼留言