『皇后飯店 - Queen's Cafe』

 

傻仔敏一向都需要非常充足的睡眠，加上要早起的關係，所以平日都習慣了早睡的習慣。放假的日子，當然要放縱一下，所以星期五、六都會夜訓一點，在這些時候，我最愛和豬頭人躲在家中看影片和電視。

 

星期六的晚上，閒來無聊，有線正在播放蘇絲黃的「一粒鐘真人蘇」，為食的我…對於講飲講食的節目當然唔會錯過，睇下睇下，睇到亞蘇介紹九龍塘又一城的『皇后飯店 - Queen's Cafe』，我和豬頭人同時被那干炒牛河所吸引，有得睇無得食…真係難耐。

 

 

過左兩日，終不敵內心的思念，所以聯同豬頭人跑到九龍塘，誓要食個痛快。等了約20分，終於有位…好心急…食咩好，經過一輪研究後，我點了紐西蘭牛柳，豬頭人點了烤特級牛排。

 

 

 

 

餐湯：

豬頭人 -- 周打魚湯 (濃稠有度，內有奶香。)

傻仔敏 -- 羅宋湯 (辣度適中，所帶的酸味有助增進食慾。)

 

 

 

 

頭盤：

豬頭人 -- 俄羅斯凍魚沙律 (味道有點像中式的酸甜魚柳，原來魚柳凍食…味道也不錯，是一道醒胃的頭盤。)

傻仔敏 -- 焗法式田螺釀磨菇 (田螺配上磨菇，一口一件，方便之餘，味道也十分討好。)

 

 

主菜：

豬頭人 -- 烤特級牛排 (大塊得驚人…比我的面還要大，而且牛味真係好濃，值得推介。)

 

紐西蘭牛柳 -- (香嫩牛柳配上香濃的黑椒汁，一切下去時…肉汁四溢，味道真係唔錯。另外還要特別讚一下這兒的伴菜，以椰菜花為例，這些椰菜花都被芝士焗過，有別於其他店子的白烚，這份誠意實在難得。)

 

本來還打算食PAN CAKE做甜品，但係個肚實在太full，只好和豬頭人約定待下午茶再戰。