接著我們便在歌舞伎町行左一圈，有好多食店都十分吸引，不過我們一早已為晚餐做好準備，今天晚餐的重頭戲係『和牛』。大約晚上7時半，我們便到了銀座區的「新之日燒肉」，貼身的女朋友(即係我)即時為他調了一杯梅酒綠茶，味道當然係正啦！！等了10分鐘，主角「神戶牛」出場，豬頭人似乎對燒肉的技巧十分有信心，所以我就由得佢自由發揮，不一會燒好的牛肉便出現在面前，估不到豬頭人確有點功架，燒得非常好味，又香又甜又嫩，好好味…豬頭人一路食…心裏面一路有一個疑問，就係點解所有牛都食草嫁啦！？但係日本d牛肉就特別好味，對於他這個超智力問題…我真係唔識答，我還是集中主意力在食方面罷！
經過一輪狂風掃落葉的狂食後，我們在回酒店前把握機會再逛逛，今次的目標是大型的「激安商店」，在這裡的貨品種類繁多，有衣物、食品、化妝品、起居用品、飾物、運動器材，包羅萬有，基本上係數得出既都有。
我們除左買了很多零食作手信之外，人在他方仍不忘家中的小MIMI，給牠買了多款零食，相信牠一定會十分高興吧！！在店子裏，豬頭人發現了一支聲稱可以『完全融解黑頭粉刺』的美容液($2070 YEN)，佢二話不說就將佢據為己有，睇黎佢真係越來越貪靚。
短短半個鐘，我們已有兩中袋的戰利品，豬頭人又有怨言，話一定會爆0急，哈哈…佢真係幾搞笑，將個責任攞晒响我身上，好似唔記得佢自己都有份買甘喎。
0 意見:
張貼留言