25/3/2007 (星期日) --- 天晴
7:30 am 今天是在Bali的最後一天，轉眼間就在此渡過了5天，一早起床依依不捨的感覺就包圍著我。但是還要趕快的執行李，行李比來的時候多了一半…豬頭人一路抱怨著我買得太多。
8:30 am 今天早餐特別美味，自助早餐早已成了旅行中的重要一環。那班暴龍昨晚玩到成凌晨4點…加上過量的酒精，大家都紅了眼…沒精打彩似的。連多口小黑也變了啞巴，Peter兄不知是不夠訓還是昨晚的溝女行動又泡湯的原故，眼睛紅得像患紅眼症。怱怱吃過早餐後，便離開我們住了多天的NOVOTEL BENOA BALI酒店。
9:15 am 今天是大家最安靜的一天，因為大部人都,睡了覺，車子內變得靜悄悄。經過約半小時的車程，我們到達了「天涯海角」，當到達涼亭時，大家心裏不禁讚嘆，果然是天涯海角，汪洋大海盡收眼簾，站在高得令人生畏的崖上，仍可感受到海浪的洶湧澎湃。這是又是小黑的出場時間了，他扮演神鵰俠侶內的「鵰兄」、亞水係「過兒」尋找「姑姑」詩敏，當然詩敏係無佢地甘好氣(戲)。又玩又笑…加上陽光猛烈，好快大家已熱到標晒汗，這時候冰凍的飲品來了，飲番杯冰茶及炸香蕉，真的十分寫意。可惜不一會又要離開了，這時候小黑和亞堅還爬樹扮馬騮，真係服左佢兩個。
11:00 am 今站去買手信，係bali當地生產的咖啡廠「金兔咖啡」，我們一行三十人被安排在一間客房中，排排坐等飲咖啡，之前聽聞峇里黃金咖啡好出名，所以都十分期待，之後店員派發一杯熱咖啡，聞既時候就好香囉，不過一飲就發現無味。之後再黎多杯「咖啡沙冰」，原來沙冰係好飲好多，不過製發太煩複，所以响屋企係唔會整…响依度飲完就算lu。Peter兄仲添飲添！！佢真係咩都夠胆死。
11:45 am 飲完咖啡之後，我地就去左PLAZA BALI，依度有DUTY FREE，不過唔算話好平，而且大部份都是舊款，我地主要都係買下手信同紀念品等，我就買左2包LULU番屋企做，响度行左差不多半小時。
跟住就去食午飯，途經一間買飾物的店舖，當然唔放過啦！！一入去見到個靚靚籐籃(稱之為BALI版BV)，我好鍾意喎，但係之前已經買左個…不過豬頭人話買埋…所以咪買埋囉(其實佢話唔買我都係會買嫁)。買完野又係食飯既時間喇，又係食中菜(唔知點解去旅行食中菜既機會比响香港還要多)，不過都好既，依度的中菜比其他的好吃。咕嚕肉、茄子、蒜炒菜、滑豆腐、海帶湯、炆豬手…好好味。Peter兄响餐廳繼續搞事(將冰加滿在杯，好以冰山甘…點知飲個時d冰頂住個咀，飲唔到…要用手攞返d冰出黎)。
1:00 pm 食完飯後又去土產店度逛逛，但係d野超勁貴，一細包蝦片要成$20-，Peter兄買左魚翅…點知買完先知原來亞堅係做海味，仲要又平又靚過佢買個d，Peter兄即時灰晒。買完之後就要出發去機場lu。
3:00 pm 到達機場，真係好唔捨得呀！導遊個仔都黎左機場，佢個樣好得意呀！！在機場內買了一隻好好味的芒果糖『kino chewy candy』人人讚好。
4:20 pm 飛機起飛了，別離的一刻真是傷感，bye bye bali。
9:40 pm 到達香港機場，5天的旅程完結。
0 意見:
張貼留言