美味沒法擋

放工回家途中，見到一老婆婆在街頭賣砵仔糕，熱騰騰的冒著煙，遠遠的傳來紅豆的香味，我即時加快腳步…九秒九的高速拿出銀包，購下一啡一白的砵仔糕(本來諗住買一個…但諗來諗去唔知點取捨)。

我把香軟的砵仔糕放在掌上，溫柔的托著它，看到糕面鋪滿一粿粿大紅豆，不禁打從心底的笑了出來。一口咬下去…超好味，黏糯香軟，還有那些紅豆，砵仔糕真係一個偉大的發明。

香港真係一個好地方，屬於美食的天堂，街頭上各式各樣的美食應有盡有，砵仔糕、雞旦仔、白糖糕(首推深水埗的那間)、咖哩魚旦、牛什、碗仔翅、炸三寶…十元八塊就有得食，『平、靚、正』集於一身。