Triple O的滋味感受

漢堡包確係一種美食，食得飽之餘，味道有夠多元化，而且又唔洗動力動叉，又快又方便，確係滋味。

之前Mos burger 唱到甘行，我同豬頭人都第一時間走去試，味道唔錯…但唔叫得做『正』囉！！始終同Ruby Tuesday仲有一段距離。

最近麥當奴搵陳奕迅大賣廣告的「至尊漢堡」，個廣告就得囉…味道…唉！廿幾蚊食飽你…唔好抱甘大期望。除左Ruby Tuesday的巨型漢堡外，仲有咩好選擇呢？我同豬頭人在假日組成了「尋找美味漢堡小組」，到尖沙咀食好野。

我地黎到位於尖沙咀的TRIPLE O，只見依度人頭湧湧，人人都攞住個大漢堡。我都豬頭人選好位置(位處FOOD COURT內…有得坐都算係甘)，就去買野食。Original Burger Combo($51-)、Mushroom Burger Combo($61-)、Extra Cheese(@$10-)、Gravy($5-)。大過我隻手掌的漢堡，一打開…見到厚厚的涵料，就以經流口水，烤過的面包底更係誠意之作，漢堡牛肉多汁無渣，充滿了肉香，配上芝士(要自己加的)真係無得頂。Mushroom Burger…估唔到磨葫可以同牛肉甘匹配，新鮮香濃的汁料，真係令人無法抗拒。薯條不算上乘之作，不過配上Gravy都算係一種新口味。