19/3/2006 (星期日)
(9.00A.M.)今天係我地旅程的最後一天，所以我地都把握時間享樂。今朝我地係酒店食左一餐非常豐富的早餐，真係非常…非常好味，我仲偷左幾排芝士(磨葫味)走添！食完早餐之後我、豬頭人、BILLY同JENNY去搭酒店內的小船(一程RM$6 – 好貴…以前唔駛錢嫁)過左去MINES RESORT CITY個邊，個度有個MINES SHOPPING FAIR，我地係GIANT買左好多野，D奶粉、麥片…都好平，仲有各式各樣的調味料。由於回程船費要成RM$10/位，所以我地就選擇坐的士返去(RM$20)。返到酒店喳喳淋執埋D行李，趕住跟亞汪去買魚，大約20分鐘的車程後，我地就去到魚市場喇，依度真係有好多靚魚，香港買一條8千蚊既龍魚，係依度只不過買1千蚊度。最後我地買左一條號半金龍同花羅漢，有兩間鋪的老細好好人，仲可以講價添！PHILLP --- ALIVE AQUARIUM & PETS (地址：10, JALAN PASAR, 55100 KUALA LUMPUR – 電話：012-9539359)，另一間MICHEAL --- AQUARIUM KIM FAH (地址：31, JALAN PASAR, 55100 KUALA LUMPUR – 電話：03-92221462)。等魚運到期間，我地去左附近的大掛檔度食野，好記海南雞檔，我點了一個雞河(RM$4一大碗)，雖然環境麻麻，不過D雞真係幾滑幾好味，我地簡直滿載而歸，身上D錢都買晒野LU。(4.00.M.)之後我地就搭的士(RM$70)過機場會合大隊。
(4.35P.M.)到逹機場搭6.45P.M.的那班機，在候機期間，我地係餐廳食左個三文治(RM$21.9)，我地無晒錢所以就攞住身上個幾蚊馬幣去黐團友餐，仲比佢地話我同豬頭人兩隻野成日無錢學人去食野。
(7.00P.M.)我地就依依不捨甘坐飛機返香港，今次的飛機餐(咖哩雞飯)味道不錯，(10.50P.M.)我地就返到香港，今次旅程同團友們建立左好好既感情，希望有機會再一同去旅行啦！
多謝晒甘多位團友們：
好多野講酒保既亞詩、從事飲食暫代領導亞賢、吹水至叻又識整水喉既亞水、高薪迪士尼掃地員詩敏、好鬼馬又識整電線亞康、靚靚美容師的好姐妹ANNA同亞MAN、養魚專家BILLY同JENNY、十四串「九」同揸住包虾片比海關查既PETER、搞鬼兩公婆亞KIT同RICKY、文靜消防員DAVID同靚女友JOYCE、仲有鄒凱光夫婦、同爆笑既UNCLE同AUNTIE。
0 意見:
張貼留言