7吋的距離

22 June 2006

7吋的距離

昨天連續上左兩個堂，1個鐘Kick-boxing 再加1個鐘Pilates，出左一身汗。運動果然係可以令人身心舒暢，雖然會覺得疲累，但係汗水好似可以洗滌身心，疲累過後反而可以令人舒一口氣。

課堂之後，豬頭人黎接我，有種返番以前既感覺，好似以前佢黎接我放學甘，唔同既就係我以家無著校服囉。

跟住我地去左食晚飯，佢的心情似乎麻麻。其實我應該一早都知…如果無事都唔會特登走黎啦！其實有時我自己都覺得好奇怪，5呎3吋既我的忍耐力似乎比佢依隻5呎10吋的大牛龜還要大…有時候安慰佢，連我自己都覺得好笑，好似細路仔扮大人講道理甘，有陣時我都唔知自己講既野啱唔啱，可能對佢根本就無幫助…又或者根本唔係佢想要既野。但係我講既全部都係真心話，亦都努力嘗試站係佢既角度黎諗。但係好多時能夠確切的去感覺的都係自己，一件事情的好壞未必係一時三刻可以知道。我明白佢以家面對既唔單止係自己，係佢面前仲有好多人同事。但係我真係好有信心佢有能力將所有的問題解決，因為尋日佢送我返屋企等車嗰時…將個頭挨係佢心口，個一種感覺…連我自己都唔識形容，但係就好確切甘感覺自己好似一隻受保護既動物甘…我依然相信依個比我高7吋的豬頭大隻人。