26 January 2006
自己講自己 (7)
今年除左爺爺去世，我自己都撞上不幸。(2000年8月)有一天我同卓卓去大埔行街，食完kfc後準備坐火車返屋企，點知係火車站我突然肚子痛得暈倒，卓卓同我坐救護車，去到大埔那打素醫院，痛左3個鐘先見到醫生，之後佢話我腸胃炎，幫我打左支針又要再觀察4個鐘，可憐小卓卓(當時6歲)餓左成日，打左針我都仲係好痛，點知個醫生比D止痛藥我就掟我走，我身上又無錢又唔敢打番屋企，只好由卓卓扶我去坐小巴再搭火車再轉的士…我痛到都行唔到，返到屋企已經12點，到左凌晨2點，爸爸只好送我去仁安醫院，一個鐘頭後就被送入手術室，原來我是急性腹膜炎，我一喊一路比人打麻醉針，手術室好凍好多人。我做完手術醫生至告訴我，原來我情況嚴重..如再過2個鏡就會有生命危險，經過今次後我們都對公立醫院失去信心了。
最不幸的是爺爺在我留院其間出殯，我無法與他再最後話別。另外由於學校要作入學手續，最後我要坐住輪椅去登記…完了嗎??未………到我入學後，學後方面發現收生出現錯誤，我讀左2星期中六後，才發現錯誤…我被建議重讀，兩頭唔到岸的我只好如此….就係甘樣我就開始左重讀既生涯lu。
續
0 意見:
張貼留言