夕陽無限好

10 April 2006

夕陽無限好

 

昨天豬頭人要開工…所以我就自己顧自己…本來諗住出街走走，點知攤左係笪地度睇睇下電視，就訓著左…一訓醒就4點，之後開左包卡樂B食…實在太好味喇，所以又食多包…之後利用「自己呃自己」的戰術=食左一個蘋果+一大杯檸蜜+2大杯水…希望可分解左頭先食的2包薯片。

父親大人可能見我孤苦伶仃甘慘，所以整左隻白切雞番黎比我食…爸爸真的好啊！！所以我昨晚我地兩個撐枱腳。

一路食飯一路睇電視，做緊港台製作的【鏗鏘集】，今集的主題講老人家面對死亡，死亡係人生的必經階段，無人可以例外，但中國人的習慣就是不提當無事，唔講唔講其實都係要面對的。今集中的幾位老人家都表示原來他/她們都只是想要一個非常簡單的葬禮，他/她們已影定『車頭相』、揀好『壽衣』、『棺木』、仲試埋棺材內面的『質地』是否舒適、士葬定火葬、邊度有『海景』。人…無力選擇自己的『生』…起碼可決定『死』吧。老人家們都開始用開明的態度去面對人生的終站。

節目中有一對老夫婦(黎水夫婦)，他倆結婚30多年，膝下無兒，近年兩老担心的就是百年之後有誰可以為自己打算。兩老常担心至深夜也睡不著，鏡頭映著公公正在煮飯，3件咸魚同一碟菜心，公公說：「我倆相依為命，其中一個去了都唔知點算，如果真的到了果一天，未死得個個都自殺。」到了人生中的黃昏，他們不害怕死亡，只怕遺下伴隨自己大半世的老伴。

眼看現今的人…動輒就離婚…一次兩次…多簡單。拋妻棄子、另結新歡，到底承諾在那裡…

可能到最後我未必會與豬頭人走在一起，但我每一刻都想他健康不要生病，不厭其煩的提著他吃多d菜、每天8杯水、早點睡、多運動、避開d二手煙、不要吃太多叮叮…就算不一起…都想他可健健康康…多福多壽。