順利過渡

唔經唔覺…fannie就放左10個星期的產假，係依10個星期裏面，多得lillian同jimmy的通力合作，總算順利渡過。所以我覺得工作真係需要一齊合作，團結就是力量依句說話真係無錯。

其實係依段時間裏面…我都有一定既壓力，話晒接手晒fannie既工作，都唔想佢返到黎d野亂晒籠，到時要佢做餐死就唔好啦！同埋我又覺得自己有責任照顧住lillian同jimmy係工作上既需要，唔想佢地獨力無甘去面對難題，始終我都係一個義氣女黎麻。希望我地「辦公室4人組」黎緊既日子可以越黎越合拍…工作越黎越順利啦。

今天lillian遇襲…我未能即時營救，真係唔好意思。希望唔好再發生依d事情啦，可能年紀漸大…開始唔嚇得…個日嚇一嚇，成個下午都腳仔軟。