9 May 2006
老細返黎喇
唔知係咪尋晚食左d骨科藥訓覺既關係，成晚都訓得唔係甘好…發惡夢…個夢好得人驚…豬頭人不停安慰我，我又攪住wendy喊…地點係公司，所以今朝早都頭暈暈甘，好難集中精神。
今日我老細放完70日既產假番黎…70日唔長唔短，不過唔多唔少都有d寄望佢既回歸，因為佢一放假…d妖魔鬼怪就走晒出黎，可能諗住乘機上位…做野就唔見人…講就聲大大…得把口，老細一放假惡夢就開始，希望佢返黎後可重整旗鼓。不過聽d風聲…話佢失勢…可能唔撈，求神拜佛係d小人散放流言啦。如果唔係都唔駛指意有好日子過…
好似以家淨係跟冷氣機d維修都有排煩，對住個班甘既「維修麻甩佬」都想暈…今朝又同班人嘈左成朝…真係好勞氣。
今天開始，豬頭人公司會請多一個好有經驗既人…我好有寄望嫁，希望可以憑佢既經驗…可以為公司帶黎一d新既景象，同埋可以分担到豬頭人的工作…亦都希望豬頭人可以吸收到從而填補自己既不足…今日好似係另一個開始既起點甘…充滿左一d未知既希望…
0 意見:
張貼留言