天生一對

6 May 2006

天生一對...

有時真係比豬頭人激死…我要求其實真係好低，低無可低。甘話晒都叫做生日Y，一年一次…準備得好少少都得哇。佢面皮又真係九丈厚，講句「我唔啱…對唔住」…甘就無野。我個日真係嬲到震，真係覺得自己好似一PAT『地底泥』，我就捧到佢上天，真係唔抵。

有陣時真係覺得好似同佢係度「擺陣鬥法」，佢又要人就，我就要人TUM，有時佢又會發嬲跟住我就更加嬲，以家我一嬲就索性唔出聲，費事越嘈越僵。此終只是吵吵咀，無謂讓氣結時的說話傷真感情。

好似有時係佢公司打機，我都係費事好似好悶…令佢唔知點甘啫，佢又好意思話我成日打機，佢自己成日話走話走…走成個鐘都未走到就得，大佬！甘我都要搵D「細藝」打發下時間。依家佢仲要話搞BUSINESS CENTRE，可憐既我都唔知可以走去邊。仲有呀…佢成日去搵個D甘既二打六，比我發現仲要話我虛構，一係就話點解會甘啱甘黑仔…都唔知佢係咪有心激死我。明知係我既死穴，佢就偏偏鑊鑊踏到應一應…

所以有時嬲嬲地個時我咪會點佢做野囉，想有權利(享受)就要有義務(聽話)，等佢成日甘嘆喇，當正自己係大爺，好以迫佢去開碟…唔幫佢攞野飲同叮叮，食晒佢最愛的辣魷魚(藍色包裝)等…佢都生蝦甘跳，又無我付…佢以家咪有頭號武器~~wendy~~成日攞佢出黎＜大＞我，好在我都可以靜雞雞同WENDY打小報告啫！有陣時佢見到我著D衫唔啱心水…話走光喎，就會講「你呀！成日都係甘，你聽唔聽我講野既啫，我唔理你…成日想激死我」，哈…我都唔知邊個激死邊個，我都唔話佢肥，佢就成日話我「YE，依D咩黎！(撚住我D肉)」。我唔話佢懶，佢仲話我「懶到出汁」，唔怪之得DADDY成日話「你地兩條友仔…兩個都一擔擔」，我同佢就係【傻仔敏決戰豬頭人】。又或者依D係命中注定，另類的天生一對....