自己講自己 (8)

自己講自己 (8)

(2000年9月)係依個「意外」的學年可說是我直至目前為止最快樂的學校生活，都可說是因禍得福，由於是私校的關係，老師們都較稔，所以上堂都好輕鬆，而且可自行選位。由於我比其他人遲左成2個星期先上堂，所以到班房就好礙眼，加上以前的不快經歷，所以我希望今年平平安安低調d，所以我每次上堂都搵係課室最遠的角落位黎坐。點知就坐正係班口水佬附近….祖兒(男仔黎嫁)、符文、YY(我改嫁…佢個樣同YY博士一樣樣)、黃生(佢個樣好似成30歲..所以甘叫)、伙頭BA B。我同佢地好FRIEND嫁，佢地幾個都好鍚我，我有時玩到一巴巴「星」佢地，佢地都唔會嬲，祖兒對我最好，好似我大佬甘，到以家都成日搵我食飯。最記得有一次祖兒想追我地同班一個女仔—MAYMAY，我敎佢去佢樓下度同MAYMAY表白，個日得7、8度，佢喺馬鞍山等左成2個鐘，最後仲要衰埋…祖兒仲凍到發燒添！依個秘密得我知咋，佢差D想殺我滅口添。之後MAYMAY就開始避開佢…….佢到以家都仲成日話我比埋D屎穚佢喎！！哈哈哈…我都無諗過佢會信啫。仲有傻頭傻腦既符文就最搞笑，講野牛頭唔搭馬咀，表達能力又低，但佢就最識TUM我開心。

除左依5個男孩子外，我仲有3個女「朋友」，有華花、亞中(佢男女都鍾意嫁)、亞芝，亞中對我最好，佢份人好有義氣嫁。我地4個間唔中會走堂去唱K同食飯添，因為我地4個都無修讀附加數，空左個2堂我地就會去新世紀食早餐。另外仲有3個男同學，佢地一個唔鍾意祖兒佢地，不過同我就好FRIEND，佢地成日都同我去睇戲同督波，亞章仲整左個網頁比我做生日禮物添！(＊豬頭人自稱電腦人…不過佢都無整過比我)。由於開心既關係..所以今年好快就過左去LU。

 

======好事仲係今年既暑假發生添！！======(起初自以為係)

 

續