豬頭人做特工

豬頭人做特工?!

星期四(4/5/2006)同豬頭人左朗豪坊睇＜職業特工隊(MI III)＞，我地已經係睇凌晨12點個場，但係都full house，得番前面個兩排，好在依間院d位比較後，所以都唔算坐得好辛苦，再加上有好美味既芝士粟米片(豬頭人至愛)，所以都尚算唔錯。成套劇情都好緊湊，同埋面d科技令人感到非常『勁』。真係不得不佩服諗出黎嗰個。

而Tom Cruise依個年紀黎講都算keep得唔錯，依然有型有款，同埋我覺得比起MI II好睇D。睇完之後豬頭人忽發【奇想】…佢居然話自己都有條件做~~特工~~吓！！唔係掛~~~~比依個傻頭傻腦的肉騰騰『特工』笑到我肚都痛…諗起一舊肥肉在大廈SIR（碌）落黎就覺得好笑。

套戲唔算有好大驚喜，不過就比左一個開心的夜晚比我…散場後(至到尋日)我地兩個都仲比『特工效應』圍繞著，所以MI III我個人就認為值100分喇。