17/3/2006 (星期五)
(8.00A.M.)食早餐，因為今日訓晏左，我同豬頭人快快手食左塊面包就算喇。
(8.15A.M.)今天我地會去巴雅島(包午餐HK$500)，我地乘坐旅遊巴(35分鐘車程)去碼頭，隻船有冷氣又大隻，都算幾舒服，一個鐘頭既船程，我同豬頭人都把握時間訓覺。去到時我地見到一大個平台，D水望落去綠綠藍藍甘好清澈。望落去有好多魚…好似有幾千條魚，我地第一時間塗太陽油，之後就攞面包去餵魚喇！我地去浮潛，D魚勁游黎我地身邊，我比佢地啄到有幾處損左添！！游下游下越黎越近鯊魚島嗰邊…幾驚！！至於個午餐就真係麻麻，不過由於活動量大，所以都要食多D黎填補肚子的空虛感覺。午餐後我地坐船仔過去鯊魚島，個邊D水仲清D(可能因為無甘多人餵面包既關係)，D鯊魚游得好快，我見到有幾個「老外」係度同浮潛，見到D鯊魚係佢地身邊游過都覺得驚。之後我地就返去甲板度晒太陽，不知不覺仲訓著左添，不過豬頭人此終都係曬唔黑，依然係白雪雪。
(3.40P.M.)我地就搭船回程。我地快快地返酒店沖個涼，(6.00P.M.)之係我地14人就BOOK左兩隻船出海去釣魚(HK$1600兩隻船＊包魚餌/ 2小時)，我地7個人一隻船，分組比賽釣得多魚，由於潮脹關係，所以海面都好大浪，不過甘既時候就可以釣到大魚喇！唔駛一陣間就釣到魚，有石斑、芝麻斑等。最搞笑既係我居然釣到條「石狗公」，好彩我之後都釣到條石斑，豬頭人都釣到條成尺長既石斑魚，天色越黎越黑，伸手不見五指，海面就更大浪，之後ANNA忽然話要人幫手，點知豬頭人一釣就釣到條鯊魚(兩尺)上黎，我開心到…之後佢有再釣多條上黎，勁…釣魚變釣鯊魚。(8.40P.M.)我地就攞住D戰利品在漆黑的海上飛馳(因太快所以豬頭人要全程攬實我)返上岸。(9.30P.M.)我地就攞晒D魚到美香海鮮飯店，D魚好新鮮好好味，飯後我地個個都好滿足甘返酒店喇(每人RM$74)！由於今天太累，所以我地一返到房就訓著LU。聽日就離開浮羅交怡喇！好捨得啊！
0 意見:
張貼留言