手拖手...周圍走

1 June 2006

手拖手...周圍走

星期二(30/5/2006)同豬頭人、亞詩、亞賢、亞水、ricky、亞kit、anna、亞康同亞man，佢地一行11人去左旺角小肥羊度打邊爐。嗰個甘既豬頭人正一「遲到大王」，足足遲左成個鐘頭有多，成村人等佢一個，搞到我幾唔好意思。

小肥羊D麻辣火鍋實在太正喇！！雖然食到喉嚨有D痛…不過實在忍唔住。食飽飽之後，我地就去左唱K，亞水因為女朋友唔係身邊既關係，所以佢好似啱啱放監甘，玩到唔願走…仲有RICKY叔叔，佢真係爆笑到暈。玩玩下…玩到成4點幾，走個時仲要落大雨…比個機會我地雨中漫步。返到屋企時已經成5點…天都開始光…勁眼訓…一訓就訓到中午3點。

星期三(31/5/2006)，今天是端午節。我同豬頭人訓醒之後就去睇戲，＜海神號＞…水既力量真係好大…俗語話「水能載舟、亦能覆舟」，真係一D都無錯。戲裏面人與人之間的幫助同感情都好難得…我同豬頭人講第時等佢退休之後就同佢坐遊輪去旅行…仲要係一去就一個月+豪華海景房個隻，諗起都開心。所以要襯年輕時搵定多D錢…未雨綢繆，甘年老時就可以手拖手周圍走「到了有錢通處走」。