生活....

20 December 2005

生活...

最近身心俱疲，所以一放工就一支箭甘標返屋企，睇下報紙、電視、R下腳之類。總算可以係繁亂、勾心鬥角、事非中找到避難所，享受一下平靜和安寧。

放工後的流程：

5.33打咭放工

5.55-6.10上車

6.40到達屋企

7.10沖完涼+護膚

7.30食飯+睇電視

9.00打電話比豬頭人

9.45訓覺

無線兩套戲集我都有睇，「草本藥王」敎煲d補湯，不過唔知真定假，同埋男主角有個甘好既老婆仲鍾意第2個，想一得二，太衰。

「職法代言人」我都幾鍾意夏雨，d戲好好，仲有因為豬頭人都鍾意佢，今次佢個角色係一個好有錢有才氣既人，佢花名叫:飛鵝山怪人。佢有一個做大狀既老婆(汪亞姐)，同2個女(一個好衰、一個怕拍拖(胡杏兒))。夏雨有錢，不過有心臟病，佢唔駛做野淨係周圍旅行寫遊記同出書。印象最深刻係有一集佢講「你死好過我死」，講一對夫婦，佢地40幾歲先相識相戀既男女，佢地明白要好有緣份才可相識，佢地決定結合共渡餘生。由結婚個一刻開始，男的改掉自己生活上的一切壞習慣，包括煙酒、不良的飲食習慣、每天早起做運動。佢想的是自己可以身體健康，身邊的老伴可先他而去，不需獨自在世承受分離孤獨之苦。好一句「你死好過我死」。人之間需要緣份才可相聚，你我都應珍惜。